ئیسرائیل: ئامانجمان هه‌ڵوه‌شاندنه‌وه‌ی پرۆگرامی ئه‌تۆمی ئێرانە

ئاڤا نیوز

 

دوای هێرشە بەرفراوانەکەی ئیسرائیل، ئەنجوومەنی ئاسایش لەسەر جەنگی ئێران و ئیسرائیل کۆبوونەوە نوێنەری وڵاتان لە نەتەوەیەکگرتووەکان لەبارەی هێرشەکەی ئیسرائیل و وەڵامدانەوەی ئێران قسەی خۆیان کرد.

 

چی ڕوودەدات: هەینی 13-6-2025، ئەنجوومەنی ئاسایشی نیشتمانی نەتەوە یەکگرتووەکان لەبارەی هێرشەکانی ئسیرائیل بۆ سەر دامەزراوە ئەتۆمییەکانی ئێران کۆبووەوە و تیادا نوێنەری وڵاتەکان لەبارەی هێرشەکانەوە قسەی خۆیان کرد.

 

لێدوانە فەرمییەکان: مکۆی پێت، نوێنەری ئەمریکا لە نەتەوە یەکگرتووەکان ڕایگەیاند، ئێران هۆکاری ناسەقامگیری ناوچەکەیە، و نابێت ڕژێمێکی مەترسیداری وەکو ئێران ببێتە خاوەنی چەکی ئەتۆمی، ئەمریکا ئاگاداری هێرشەکانی ئیسرائیل بۆ سەر ئێران بوون، بەڵام بە هیچ شێوەیەک بەشداریی هێرشەکەیان نەکردووە.

 

-ئەمیر ئیروانی، نوێنەری هەمیشەی ئێران لە نەتەوە یەکگرتووەکان ڕایگەیاند،  هێرشه‌كانی ئیسرائیل پێشێلكارییه‌كی ئاشکرای یاسا نێودەوڵەتییەکانە، کوشتنی فەرماندە و زاناکانمان بە تەواوی تاوانی جەنگە و کردەوەیەکی تیرۆریستانەیە ، هاوکات هێما بۆ ئەمریکا دەکات لەوەی بەشدارە لەم هێرشەدا و دەشڵێت، ئەوانەی پشتگیری هێرشەکانی ئیسرائیل دەکەن وەک ئەمریکا ، دەبێت لەوە تێبگەن کە ئەوانیش بەشداری ئەو تاوانە دەکەن.

 

-دانی دانۆن، نوێنه‌ری هەمیشەی ئیسرائیل لە نەتەوە یەکگرتووەکان ڕایگەیاند، هه‌رگیز چاوپۆشی له‌ هه‌ڕه‌شه‌كانی ئێران ناكه‌ن، ئامانجمان هه‌ڵوه‌شاندنه‌وه‌ی پرۆگرامی ئه‌تۆمی ئێران.