سەرۆک ئەرکانی سوپای ئیسرائیل هۆشداری لە نەمانی گەلی جوو دەدات

ئاڤا نیوز

سوپای ئیسرائیل هۆشداری دەدات لەوەی، ئەگەر ئێستا گۆڕانکاری لە ڕۆژهەڵاتی ناوەڕاست نەکەن، گەلی جوو بوونی نامێنێت.

وێنە گەورەکە: بەرەبەیانی ڕۆژی هەینی 13-6-2025، ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت، بنیامین نەتانیاهۆ، سەرۆکوەزیرانی ئیسرائیل سەبارەت بە هێرشەکان ڕایگەیاند، لە ناوبردنی تەواوی بنکە ئەتۆمییەکانی ئێران ئامانجیانە.

ئەوەی لەوبارەیەوە دەگوترێت: ئیسرائیل ئۆپەراسیۆنەکانی بۆسەر ئێران بە سەرچاوەیەک بۆ مانەوەی قەوارەکەی دەزانێت.

ڕاگەیێنراوی فەرمی: کەناڵ 12ی ئیسرائیلی بڵاویکردەوە، ئییال زەمیر، سەرۆک ئەرکانی سوپای ئیسرائیل بە سەرکردە سیاسییەکانی وڵاتەکەی ڕاگەیاندووە، "ئۆپەراسیۆنەکەمان بۆ سەر ئێران پێویستە بۆ پاراستنی گەلی جوو".

جەختی لەوەشکردەوە، "ئەمە دوا دەرفەتە بۆ ئەوەی گۆڕانکاری بکەن و مێژوو لێمان خۆش نابێت ئەگەر ئێستا هەنگاو نەنێین".