پێنتاگۆن: چاودێری دۆخی ڕۆژهەڵاتی ناوەڕاست دەکەین

ئاڤا نیوز

وەزیری بەرگریی ئەمریکا جەختی لەوەکردەوە، چاودێری دۆخی ئێستای جەنگی نێوان ئیسرائیل و ئێران دەکەین.

وێنە گەورەکە: تا دێت هێرشە مووشەکییەکانی نێوان ئیسرائیل و ئێران چڕتر دەبێتەوە و ئەمریکاش هۆشداری داوەتە ئێران کە نابێتە پێگەکانی لە ڕۆژهەڵاتی ناوەڕاست بکرێنە ئامانج.

لێدوانی فەرمی: پیت هێگسێت، وەزیری بەرگری ئەمریکا ڕایگەیاند، هەموو سیستمەکانمان بۆ پاراستنی هاوڵاتیانی ئەمریکا لە ڕۆژهەڵاتی ناوەڕاست جێگیر دەکەین. ئاماژەی بەوەشکرد، دۆناڵد ترەمپ ئاشتی و چارەسەرکردنی کێشەکانی لەسەر مێزی گفتوگۆ پێ باشترە لە جەنگ.