فەرماندەیی باکووری ئەمریکا: ئاسایشی بنکە سەربازییەکانمان زیادکردووە

ئاڤا نیوز

بەهۆی زیادبوونی گرژی و پەرەسەندنەکانی دۆخی ڕۆژهەڵاتی ناوەڕاست، ئەمریکا ئاسایشی لەهەموو بنکە سەربازییەکانی زیادکردووە.

ڕاگەیێنراوی فەرمی: فەرماندەیی باکووری ئەمریکا فەرمانیکردووە، لە هەموو بنکە سەربازییەکانیان لەناو خاکی ئەمریکا ئاستی ئاسایشیان بەرزبکرێتەوە، ئەمەش هاوکاتە لەگەڵ زیادبوونی گرژییەکان لە ڕۆژهەڵاتی ناوەڕاست.

ئاماژە بەوەشکراوە، دەبێت کارمەندان و سەردانیکەرانی دامەزراوە سەربازییەکانمان ئاگاداربن کە ئاستی ئاسایش بەرزکراوەتەوە و کاتەکانی چاوەڕانی سەردانیکەرانیش زیادکراوە.

زانیاریی زیاتر: فەرماندەیی باکووری ئەمریکا سیاسەت و ڕێکارەکانی دەگرێتە بەر بۆ پاراستنی کارمەندانی وەزارەتی بەرگری، خێزانەکانیان، دامەزراوەکان لە کردەوە تیرۆرستییەکان.