عەباس عێراقچی: ئیسرائیل هێڵی سووری بەزاندووە

ئاڤا نیوز

وەزیری دەرەوەی ئێران ئاشكرای دەکات، هێرشی ئیسرائیل بۆ سەر ئێران بە پشتیووانی ئەمریکایە و ئیسرائیلیش هێڵی سووری بەزاندووە.

چیرۆکی سەرەکی: ماوەی سێ ڕۆژە جەنگی نێوان ئیسرائیل و ئێران بەردەوامە و هەردوولا چەندین هێرشی وێرانکەرییان کردووەتە سەر یەکتری کە ئەمەش بووەتە هۆی گیان لەدەستدان و برینداربوونی سەدان هاووڵاتی مەدەنی لە هەردوولا.

 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند، ئیسرائیل هێڵێکی سووری نوێ لە یاسا نێودەوڵەتییەکان بەزاندووە و هێرشی کردە سەر دامەزراوە ئەتۆمییەکان، هاوکات ئیسرائیل دژی هەموو دانووستانێکە، بۆیە سەرنجەکانمان بۆ سەر ئیسرائیل چڕ کردووەتەوە.

- لەبارەی دانووستانەکان وڵاتەکەی لەگەڵ ئەمریکا عێراقچی دەڵێت: ئەمریکا بەشدارە لەگەڵ ئیسرائیل و بەڵگەمان هەیە، بەهۆی ئەمەشەوە بە ڕێککەوتنێک ڕازی نابین لە مافی ئەتۆمی بێبەشمان بکات.

لەلایەکی دیکەوە: سەرۆکی ئەمریکا لەبارەی هێرشەکانی ئیسرائیل و ئێرانەوە پەیامێکی بڵاوکردەوە و ڕایگەیاند، وڵاتەکەی پەیوەندی بەم هێرشەوە نییە، بەڵام ئەگەر هێرش بکات ئەوا وەڵامێکی بەهێزیان دەبێت. 

کاریگەری و لێکەتەکان: دوای ئەو لێدوانەی وەزیری دەرەوەی ئێران، ئێستا ئیسرائیل دوا لە هەموو ئەو کەسانە دەکات کە لە ناوەندە سەربازییەکان و دامەزراوە ئەتۆمییەکان دەکات شوێنەکانیان چۆڵ بکەن.