ئیهود باراک: ئیسرائیل بەتەنیا ناتوانێت ئێران لەناو ببات

ئاڤا نیوز

سەرۆکوەزیرانی پێشووتری ئیسرائیل هێرشەکانی وڵاتەکەی بۆ سەر ئێران بە سەرکەوتووی ناو دەبات بەڵام دەشڵێت، پێویستە لەگەڵ هاوپەیمانە نێودەوڵەتییەکان ڕووبەڕووبووی ئاستەنگە ستراتیژییەکانی تاران ببێتەوە.

لێدوانی فەرمی:  ئیهود باراک، سەرۆکوەزیران و وەزیری بەرگری پێشووتری ئیسرائیل ڕایگەیاند، ئیسرائیل توانای ئەوەی نییە بە تەنیا ئێران بڕووخێنێت، جەختی لە گرنگیی هەماهەنگی لەگەڵ هاوپەیمانە نێودەوڵەتییەکان بۆ ڕووبەڕووبوونەوەی ئاستەنگە ستراتیجییەکانی تاران کرد.

زانیاریی بەدەستهاتوو: ڕۆژنامەی 'هارتز' لە زاری باراک بڵاویکردووەتەوە و دەڵێت، ئۆپەراسیۆنە سەربازییەکەی ئیسرائیل دەستکەوتی بەرچاوی بەدەست هێناوە، بەڵام ئیسرائیل لە قۆناغی داهاتوودا ڕووبەڕووی تاقیکردنەوەیەکی درێژخایەن و ئازاربەخش دەبێتەوە، ئەگەر ئێران بڕیار بدات چەکی ئەتۆمی دروست بکات، مەترسیی جددی دروست دەکات، ئەمەش دەبێتە هۆی ئەوەی ئیسرائیل ڕێگریی لە دروستکردنی ئەتۆمی بکات.

زانیاریی زیاتر: لەبارەی هێرشەکان ئێران وئیسرائیل، سەرۆکی ئەمریکا ئاماژە بەوە دەکات بەئاسانی دەتوانین بگەینە ڕێککەوتنێک لەنێوان ئێران و ئیسرائیل و کۆتایهێنان بەم پێکدادانە خوێناوییە.