وەزارەتی شارەوانی دوایین وادەی وەرگرتنی فۆڕمی دابەشکردنی زەوی دیاریدەکات

ئاڤا نیوز

 

وەزارەتی شارەوانی و گەشتوگوزار داوا لە وەزارەتەکانی حکومەتی هەرێمی کوردستان دەکات، لە ماوەی پێنج ڕۆژی داهاتوو سەرجەم فۆڕمی ئەو کەسانە بنێرن کە لە وەرگرتنی زەوی سوودمەند دەبن، بە پێچەوانەوە بێبەش دەبن.

 

وێنە گەورەکە: پرۆسەی وردبینی لە فۆرمی سوودمەندبووانی زەوی بەردەوامە، بەڵام بەشێکی ئەو کەسانەی کە مەرجەکان دەیانگرێتەوە تاوەکو ئێستا فۆڕمیان پڕ نەکردووەتەوە و چەند ڕۆژێکی کەمیان لەبەردەمدا ماوە بۆ ئەوەی بێبەش نەبن.

 

لێدوانی فەرمی: سەربەست مەولوود، سەرپەرشتیاری تیمی وردبینیی پرۆسەی دابەشکردنی زەوی له‌ وه‌زاره‌تی شاره‌وانی بە ئاڤای گوت: "ڕۆژی 20-06-2025 وەک دوایین وادە بۆ وەزارەتەکان دیاریکراوە بۆ ئەوەی فۆڕمەکانیان بنێرنەوە، دوای ئەو وادەیە هیچ فۆڕمێک وەرناگیرێت، ئەوەی پڕینەکردبێتەوە هەقی دەفەوتێت."

 

ئەمەش بزانە: تاوەکو ئێستا وردبینی لە نزیکەی 430 هەزار فۆڕم تەواو بووە و لە ئەنجوومەنی وەزیران پەسەندکراون، شارەوانییەکان چاوەڕێی گەڕانەوەی سەرجەم ناوەکان دەکەن بۆ ئەوەی پرۆسەی تیروپشک بۆ دابەشکردنیان دەست پێبکەن.