سوپای ئیسرائیل: سیستەمی ڕاداری ئێران کرایە ئامانج و تێکشکێنرا

ئاڤا نیوز

 

سوپای ئیسرائیل سیستەمێکی پێشکەوتووی ڕاداری ئێران بە ئامانج دەگرێت و تێکی دەشکێنێت.

 

وێنە گەورەکە: ماوەی سێ ڕۆژە ئیسرائیل و ئێران لە جەنگدان، ئیسرائیل بەردەوام هێرش دەکاتە سەر ژێرخانی سەربازی و هەواڵگری و ئابووی ئێران و زیانێکی گەورەی لێداوە، لە بەرامبەردا ئێران سەدان مووشەی ڕەوانەی ئەو وڵاتە کردووە و زیانی زۆری لێداوە. 

 

بڵاوکراوەی فەرمی: سوپای ئیسرائیل ئەمڕۆ یەکشەممە ڕایگەیاند، لە ئەنجامی هێرشە ئاسمانییەکانمان ڕاداری ماتلا ئەلفەجری لەناوبراوە کە ڕادارێکی مۆبایلییە و بۆ یەکەمجار لە ساڵی 2010 لەلایەن ئێرانەوە ئاشکرا کرا. 

زانیاریی زیاتر: ڕادارەکە مەودای دیاریکردنی 300-480 کم لەسەر خاک و لە ئاستی بەرزیش 20- 30 کم تەنی نامۆ و فڕۆکە دیاریی دەکات.