ئاژانسی وزەی ئەتۆمی ئێران: کارکردن لەسەر بەرنامەی ئەتۆمی بە شێوەیەکی بەهێز بەردەوامە

ئاڤا نیوز

ئاژانسی وزەی ئەتۆمی ئێران ڕایدەگەیێنێت، کارکرن لەسەر بەرنامەی ئەتۆمی و فراوانکردنی بەرنامەکە بەردەوامی هەیە و "هێرشەکانی ئیسرائیل نابنە ڕێگر لە بەردەم  ئیرادەی بەهێزی میللەتی ئێمە."

وێنە گەورەکە: ئیسرائیل ئامانجی دەستپێکردنی هێرشەکانیان بۆ سەر ئێران بۆ لەناوبردنی بنکە ئەتۆمییەکانی ئێران دەگەڕێننەوە، لەهەمان کاتدا ئێران بەردەوامی بە بەرنامە ئەتۆمییەکەی بەشێوەیەکی خێراتر و فراوانتر دەدات و دووپاتی دەکاتەوە کە بە مەبەستی ئاشتییانەیە.

بڵاوکراوەی فەرمی: ئاژانسی وزەی ئەتۆمی ئێران ئەمڕۆ یەکشەممە لە پلاتفۆرمی ئێکس بڵاوی کردەوە، "بە هاوکاری زاناکانی ئێران بەردەوامی کارکردن لەسەر بەرنامەی ئاشتیخوازانەی ئەتۆمی لە پێناو گەلی ئێران ڕادەگەیەنین، بە شێوەیەکی بەهێزتر کارەکان بەردەوامن و هێرشە پووچەکانی قەوارەی زایۆنی نابنە ڕێگر لە بەردەم  ئیرادەی بەهێزی میلەتی ئێمە."

لەلایەکی دیکەوە: پێشتر محمد ئیسلامی، سەرۆکی ئاژانسی ئەتۆمی ئێران ڕایگەیاند، زانا گەنجەکانی ئێران ڕێگەی پڕ شانازی شەهیدان بەردەوامی پێدەدەن و بەرنامەی ئەتۆمی ئێران پەرەپێدەدەن.