سەرۆکوەزیران مەسرور بارزانی و کۆنسوڵی گشتیی هەنگاریا کۆبوونەوە

ئاڤا نیوز

ئەمڕۆ دووشەممە 2025-06-16، سەرۆکوەزیران مەسرور بارزانی پێشوازیی لە ئاتیلا تۆس، کۆنسوڵی گشتیی هەنگاریا لە هەرێمی کوردستان کرد بە بۆنەی کۆتاییهاتنی ئەرکە دیپلۆماتییەکەی لە کوردستان.

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، سەرۆکوەزیران مەسرور بارزانی سوپاسی کونسوڵی گشتیی هەنگاریای کرد، هیوای سەرکەوتنی لە ئەرکی داهاتووی بۆ خواست.

گۆشەیەکی دیکەی دیمەنەکە: لای خۆیەوە کونسوڵی گشتیی هەنگاریا پێزانیی خۆی بۆ هاریکاریی و هاوئاهەنگی لایەنە پەیوەندیدارەکانی حکومەتی هەرێمی کوردستان بۆ سەرخستنی ئەرکەکەی دەربڕی.