تورکیا ڕەتیدەکاتەوە مۆساد لە ئێرانەوە دزەی کردبێتە وڵاتەکەی

ئاڤا نیوز

ناوەندی بەرنگاربوونەوەی زانیاری ناڕاست، سەر بە سەرۆکایەتی کۆماری تورکیا ئەو دەنگۆیانە ڕەتدەکاتەوە کە باس لەوە دەکەن سیخوڕەکانی ئیسرائیل لەگەڵ کۆچبەرانی ئێرانی لە دەرگای سنووری بەزەرگان دزەیان کردبێتە ناو تورکیا.

وێنە گەورەکە: ماوەی چوار ڕۆژە شەڕ لە نێوان ئێران و ئیسرائیل بەردەوامە، بەهۆیەوە ژمارەیەکی زۆر لە دانیشتووانی تاران بەرەو وڵاتانی دراوسێ کۆچ دەکەن، لەوانەش تورکیا.

بینراو و بیستراو: داوی ئەوەی گرتە ڤیدیۆی قەرەباڵغی کۆچبەران لە دەرگای سنووری بەزەرگانی نێوان ئێران و تورکیا بڵاوبووەوە، هەر زوو تورکیا ئەوەی ڕەتکردەوە، دەرگای بەڕووی ژمارەیەکی زۆر لە کۆچبەری ئێرانی کردبێتەوە.

ڕاگەیێنراوی فەرمی: ناوەندی بەرەنگاربوونەوەی زانیاری ناڕاست لە ڕاگەیێنراوێکدا ڕایگەیاند: ئەو هەواڵانەی لە سۆشیال میدیای وڵاتانی بیانی بڵاو دەکرێتەوە کە گوایە "لە دەرگای سنووری بەزەرگان بەبێ کۆنترۆڵ ژمارەیەکی زۆر لە مۆساد لەگەڵ کۆچبەری ئێرانی دزەیان کردبێتە ناو تورکیا" بێ بنەمایە. هاوکات بڵاوکردنەوەی ئەم جۆرە هەواڵانە بۆ دروستکردنی ترس و دڵەڕاوکێیە لە ناو هاووڵاتییانمان، دڵخۆشکردنی دوژمن و دروستکردنی ناسەقانگیرییە لە ناو خەڵك، تەنیا 30 هاووڵاتی ئێرانی کۆچیان کردووە بۆ تورکیا

زانیاریی زیاتر: راگەیینراوەکە دەڵێت، "ئەو ڤیدیۆیانەی بڵاودەکڕێتەوە، ڤیدیۆی دەرگای سنووری کاپکۆی لە پارێزگای وانە کە بەر لە شەڕەکەی ئێران و ئیسرائیل لە 3ـی حوزەیران تۆمارکراوە".

لە پەیوەندییەکان لەگەڵ دەسەڵاتدارانی ئێران، زانرا کە تەنیا 25 تا 30 کەس لە سنوورەکان هەبوون. سنوورەکانمان 24 کاتژمێر لەلایەن یەکە ئەمنییەکانمانەوە چاودێری دەکرێن کە پێشکەوتووترین سیستەمی ئاسایشی فیزیکی بەکاردەهێنن.