مووشەکێک لە ناوچەی قەرەداغی سلێمانی کەوتەخوارەوە

ئاڤا نیوز

 

مووشەکێک کە سەرچاوەی ئاراستەکردنی نادیارە لەناوچەی قەرەداغی سلێمانی دەکەوێتە خوارەوە، قائیمقامی قەرەداغیش بە ئاڤای ڕاگەیاند: خۆشبەختانە زیانی نەبووە و نەتەقیوەتەوە. 

 

زانیاریی بەدەستهاتوو: دوانیوەڕۆ ئەمڕۆ دووشەممە، مووشەکێکی سەرچاوە نادیار لە گوندی تاڤانی سەربە قەزای قەرەداغی سلێمانی کەوتووەتەوە خوارەوە. 

 

لێدوانی فەرمی: شیرین مەحموود، قائیمقامی قەرەداغ بە ئاڤای ڕاگەیاند، مووشەکە لە نزیک ناوەندی قەزای قەرەدا‌غ کەوتووەتە خوارەوە لە گوندی تاڤان، بەڵام تاوەکو ئێستا سەرچاوەی ئاراستەکردنی مووشەکەکە نازانین و بە زمانی ئینگلیزی لەسەر مووشەکەکە نووسراوە. 

 

- لایەن پەیوەندیدارەکان ئێستا لە شوێنی ڕووداوەکەن بۆ لێکۆڵینەوەی زیاتر و زانینی سەرچاوەی مووشەکەکە.

 

- مووشەکەکە درێژییەک دوو مەتر دەبێت و لە کاتی کەوتنەخوارەوەی دوو مەتری ناوچەکەی قووڵکردووە بەڵام خۆشبەختانە نەتەقیوەتەوە و زیانی نەبووە.

 

لەلایەکی دیکەوە: بەگوێرەی ئەو زانیارییانەی دەست ئاڤا میدیا کەوتووە، مووشەکەکە لە جۆری زولفەقارە کە خاوەندارییەتی دەگەڕێتەوە بۆ وڵاتی ئێران و بەهۆی کێشەی تەکنیکییەوە کەوتووەتە خوارەوە.