گرووپی G7 پشتگیریی خۆیان بۆ ئیسرائیل دووپات دەکەنەوە

ئاڤا نیوز

 

دوای کۆبوونەوەیان لە کەندا، وڵاتانی گرووپی G7 پاڵپشتی خۆیان بۆ ئاسایشی ئیسرائیل دووپات کردەوە و جەخت لەوە دەکەنەوە کە مافی خۆیەتی بەرگری بکات لە هەر هێرشێک کە دەکرێتە سەری، هاوکات بە تووندی دژی ئەوەن ئێران ببێتە خاوەنی چەکی ئەتۆمی.

 

چیرۆکی سەرەکی: لە ڕۆژی هەینییەوە، ئیسرائیل هێرشی ئاسمانیی بۆ سەر ژێرخانی چەکی ئەتۆمی و بە ئامانجگرتنی بەرپرسە باڵا سەربازییەکانی ئێران دەستیپێکرد، لەو کاتەوە هەردوو وڵات بە چڕی یەکتری بۆردوومان دەکەن.

 

ڕاگەیێنراوی فەرمی: گرووپی وڵاتانی G7 دوای کۆبوونەوەکەیان لە کەنەدا ڕایانگەیاند: دووپاتی دەکەینەوە ئیسرائیل مافی خۆیەتی بەرگریی لەخۆی بکات و هەروەها پشتگیریی خۆمان بۆ ئاسایشی ئیسرائیل دووپاتی دەکەینەوە.

 

لە گۆشەیەکی دیکەوە: وڵاتانی G7 ڕەتیدەکەنەوە ڕێگە بدەن ئێران ببێتە خاوەنی چەکی ئەتۆمی و ڕایانگەیاند: بەردەوام ڕاشکاوین لەوەی هەرگیز نابێت ئێران چەکی ئەتۆمیی هەبێت.

 

ئەوەی پێویستە بیزانیت: وڵاتانی G7 بریتین لە؛ ئەمریکا، بەریتانیا، فەرەنسا، ژاپۆن، ئەڵمانیا، کەنەدا و ئیتاڵیا.