کرێملین: ئامادەین بۆ نێوەندگیری نێوان ئیسرائیل و ئێران

ئاڤا نیوز

 

کۆشکی سەرۆکایەتیی ڕووسیا، کرێملین ئامادەیی خۆی بۆ نێوەندگیریکردن بۆ چارەسەرکردنی ئاڵۆزییەکانی نێوان ئێران و ئیسرائیل دەردەبڕێت بەڵام دەڵێت: لایەنی ئیسرائیلی دوودڵی نیشان دەدات.

 

لێدوانی فەرمی: دیمیتری پیسکۆڤ، وتەبێژی کرێملین ڕایگەیاند، دۆخی ڕۆژهەڵاتی ناوەڕاست بەرەو هەڵکشانێکی خێرا و مەترسیدار دەڕوات بۆ ئێستا هیچ خواستێک لەلایەن ئیسرائیلەوە نابینین کە بیەوێت دۆخەکە یەکلاییبکاتەوە و یاخوود بە نێوەندگیریکردن ڕازی بێت.

 

زانیاریی زیاتر: لە بارەی پرسی نێوەندگیری، سەرۆکی ئەمریکا ئەمڕۆ سێشەممە ئاشکرای کرد، هیچ ئاماژەیەک نییە بۆ دەستێوەردانی ڕووسیا یاخوود کۆریای باکوور لە ململانێیەکانی ئێران و ئیسرائیل.

 

ئەمەش بزانە: لەمیانەی دانوستانەکانی ئەمریکا و ئێران کە هەردوولا تاوەکو ئێستا پێنج گەڕی دانووستانیان ئەنجامداوە، لەو کاتیش ڕووسیا ئامادەیی خۆی بۆ ئاسانکارییکردن و ڕێگەخۆشکردن بۆ لایەنەکان دەربڕی بۆ ئەوەی بەزووترین کات بگەنە ڕێککەوتن.