سەرۆك بارزانی سوپاسی هەڵوێستی سەركردایەتیی ئیمارات دەكات

ئاڤا نیوز

ئەمڕۆ لە پیرمام سەرۆک بارزانی و هەڵسوڕێنەری کاروباری کونسوڵخانەی دەوڵەتی ئیمارات لە هەولێر كۆبوونەوە. سەرۆک بارزانی سوپاسی هەڵوێسەکانی ئیماراتی کرد لە پاڵپشتیکردنی هەرێمی کوردستان لە قۆناغە جیاجیاکاندا.

وێنە گەورەكە: ڕۆژی سێشەممە 17ی حوزەیرانی 2025 لە پیرمام، سەرۆک بارزانی پێشوازی لە شیخە بەشیر فەرحان، هەڵسوڕێنەری کاروباری کونسوڵخانەی دەوڵەتی ئیمارات لە هەولێر کرد.

ڕاگەیێنراوی فەرمی: بارەگای بارزانی بڵاوی كردەوە: لە دیدارەکەدا هەردوولا جەختیان لە دۆستایەتی و پەیوەندیی نێوان هەرێمی کوردستان و ئیمارات کردەوە، هەروەها سەرۆک بارزانی سوپاس و پێزانینی خۆی بۆ هەڵوێستی سەرکردایەتیی ئیماراتی ڕاگەیاند لە پاڵپشتیکردنی هەرێمی کوردستان لە قۆناغە جیاجیاکاندا، هاوكات بارودۆخی سیاسی و دوایین پێشهاتەکانی ناوچەکە تەوەری دیکەی ئەو دیدارە بوو.

لەلایەكی دیكەوە: دوێنی دووشەممە، سەرۆكوەزیران مەسرور بارزانیش لەگەڵ شەیخە بەشیر فەرحان، هەڵسوێنەری كونسوڵخانەی گشتیی ئیمارات لە هەرێمی كوردستان كۆبووەوە و لەمیانەدا هەڵسوڕێنەری کونسوڵخانەی گشتیی ئیمارات، سڵاو و ڕێزی هەریەك لە سەرۆکی ئیمارات شێخ محەممەد بن زاید ئال نەهیان و جێگری سەرۆک و سەرۆکوەزیران شێخ محەمەد بن ڕاشد ئال مەکتووم-ی  بە سەرۆكوەزیران مەسرور بارزانی گەیاند و جەختی لە پتەوکردنی زیاتری پەیوەندیی دوولایەنە کردەوە.