ترەمپ و نەتانیاهۆ بەشداریی ئەمریکا لە شەڕ تاوتوێ دەکەن

ئاڤا نیوز

 

 بەهۆی زیادبوونی گرژییەکانی نێوان ئێران و ئیسرائیل، هەڕەشەکانی ئەمریکاش بۆ سەر تاران لەلایەکی دیکەوە، سەرۆکی ئەمریکا پەیوەندییەکی تەلەفۆنی بە سەرۆکوەزیرانی ئیسرائیلەوە دەکات و پرسی جەنگ تاوتوێ دەکەن. 

 

وێنە گەورەکە: دوای هێرشەکەی ئیسرائیل بۆ سەر ئێران و شوێنە سەربازی و ئەتۆمییەکانی ئەو وڵاتە، دوێنی  کۆبوونەوەی ئەنجوومەنی ئاسایشی نیشتمانی بۆ تاوتوێکردنی ڕووبەڕووبوونەوەی نێوان ئێران و ئیسرائیل بەڕێوەچوو، تەوەرێکی کۆبوونەوەکەش پرسی بەشداریی ڕاستەوخۆی ئەمریکا بوو لەم شەڕەدا، ڕاستەوخۆ دوای کۆبوونەوەکەش ترەمپ لەگەڵ نەتانیاهۆ پەیوەندییەکی تەلەفۆنی ئەنجامدا. 

 

زانیاریی بەدەستهاتوو: ئاکسیۆس، بە پشت بەستن بە زانیاریی بەرپرسێکی ئیسرائیلی ڕایگەیاند، "دۆناڵد ترەمپ، سەرۆکی ئەمریکا، لەگەڵ بنیامین نەتانیاهۆ، سەرۆکوەزیرانی ئیسرائیل گفتوگۆی کردووە''.

 

لێدوانی فەرمی: دۆناڵد ترەمپ، سەرۆکی ئەمریکا داوای لە ئێران کردووە دەستبەجێی خۆی بەدەستەوە بدات و بێ هیچ مەرجێک.

 

زانیاریی زیاتر: تاوەکو  ئێستا ئەمریکا یارمەتی ئیسرائیلی داوە بۆ بەرگریکردن لە خۆی دژ بە ئێران، بەڵام تاوەکو ئێستا بەفەرمی لە ئۆپەراسیۆنە هێرشبەرییەکان بەشداریی نەکردووە، ئەمەش دەکرێت لەهەر کاتێکدا بێت ڕووبدات و مەترسییەکانی شەڕ فراوانتربن.