ئیسرائیل پێگە ئەتۆمییەکانی ئێران بۆردوومان دەکات

ئاڤا نیوز

 

لەدرێژەی هێرشە بەردەوامەکانی ئیسرائیل بۆ سەر ئێران، سوپای ئیسرائیل ئاشکرای دەکات، شەوی ڕابردوو هێرشیان کردووەتە سەر شوێنی بەرهەمهێنانی سەنتەرفیوژ و چەند شوێنێکی بەرهەمهێنانی چەکی ئێران.


وێنە گەورەکە: ماوەی شەش ڕۆژە ئیسرائیل و ئێران لە ڕووبەڕوونەوە و جەنگێکی سەختدان لەگەڵ یەکتری، هەردوولا تاوەکو ئێستا تاوەکو ئێستا بە چەندین جۆر چەکی جیاواز زیانیان بە بەرژوەندییەکانی یەکتری گەیاندووە و بانگەشەی فراوانکردنی بەرەی شەڕیش لە یەکتری دەکەن. 

 

ڕاگەیێنراوی فەرمی: سوپای ئیسرائیل ڕایگەیاند: لەماوەی ڕابردوودا هێرشمان کردە سەر سەنتەرفیوژ لە تاران کە ناوەندی بەرهەمهێنانی و پیتاندنی زیاتری یۆرانیۆم بووە، هاوکات بە ڕێنماییە هەواڵگرییەکانمان زیاتر لە 50 فڕۆکەی جەنگی هێزی ئاسمانی نێودەوڵەتیی بەشدارییان کردووە لە بە ئامانجگرتنی چەند ناوچەیەکی سەربازیی و ناوەندەکانی بەرهەمهێنانی چەک لە تاران. 

 

زانیاریی زیاتر: بەگوێرەی بڵاوکراوەی میدیا ئیسرائیلییەکان ئاشکرای دەکات، ''لە سەرەتای دەستپێکردنی هێرشەکانەوە تاوەکو ئێستا، ئێران زیاتر لە 440 مووشەک و 350 فڕۆکەی بێفڕۆکەوانی هەڵداوە بەرەو ئیسرائیل''.

 

باکگراوند: بەرەبەیانی ڕۆژی هەینی 13-6-2025 ، ئیسرائیل هێرشێکی بەرفراوانی بۆ سەر ئێران دەستپێکرد و شوێنە سەربازیی و ئەتۆمییەکانی کردە ئامانج و هاوکات لە ئەنجامی ئەم هێرشانەدا چەندین فەرماندەی سەربازیی و زانایانی ئەتۆمی ئەو وڵاتەی بەئامانج گرت