سەرۆکوەزیران مەسرور بارزانی لەبارەی مووچە نامەیەک بۆ دادگەی فیدراڵی دەنێرێت

ئاڤا نیوز

وتەبێژی حکومەتی هەرێمی کوردستان ڕایگەیاند، سەرۆکوەزیران مەسرور بارزانی لەبارەی مووچەوە نامەیەکی بۆ دادگەی فیدراڵی ناردووە و بەم نزیکانە کۆدەبێتەوە و بڕیار لەسەر مووچە دەدات. 

وێنە گەورەکە: بەغدا مووچەی مانگی پێنجی مووچەخۆرانی هەرێمی کوردستانی خەرج نەکردووە، بڕیارە دادگەی فیدراڵی پرسەکە یەکلایی بکاتەوە و فەرمانێکی وەلائی بۆ ناردنی پارە بۆ هەرێمی کوردستان دەربکات و سەرۆکوەزیران مەسرور بارزانی بۆ چارەسەرکردنی پرسەکە لەسەر هێڵە.

لێدوانی تایبەت: پێشەوا هەورامانی، وتەبێژی حکومەتی هەرێمی کوردستان ڕایگەیاند، لەکۆبونەوەی ئەنجوومەنی وەزیران  سەرۆکوەزیران مەسرور بارزانی گوتی، "لەم کۆبونەوەیەدا گرنگە بە پرسی مووچە دەست بە قسەکانم بکەم".

وتەبێژی حکومەت ئاماژە بەوەش دەدات، سەرۆکوەزیران مەسرور بارزانی  لەبارەی مووچەی فەرمانبەرانی هەرێمی کوردستان پێش دوو ڕۆژ نامەیەکی تایبەتی بۆ دادگای فیدراڵی عێراق ناردووە.

زانیاریی زیاتر: بڕیارە لە ڕۆژانی داهاتوو دادگەی فیدراڵی پەیوەیست بە مووچەی مووچەخۆران کۆببێتەوە، کێشەکە لەنێوان هەولێر و بەغدا بە فەرمانێکی سالاری (وەلائی) یەکلایی بکاتەوە.