دوای بەدواداچوونێکی ئاڤا کێشەی مامۆستایەکی خانەنشین چارەسەر دەکرێت

ئاڤا نیوز

 

مامۆستایەکی خانەنشینکراو گازەندەی ڕایینەکردنی مامەڵەکانی لە بەڕێوەبەرایەتیی خانەنشینی دەوروبەری هەولێر گەیاندە ئاڤا، بەڕێوەبەرایەتیی گشتیی خانەنشینی هەرێمی کوردستانیش لەوبارەیەوە وتی 'کێشەکەمان چارەسەر کردووە'.

بابەتی سەرەکی: مەرزییە حەسەن، مامۆستایەکی خانەنشینکراوە لە پەروەردەی دەوروبەری هەولێر، پەیوەندی بە ئاڤاوە کرد و باسی لەوە کرد، لە مانگی 12ی 2024ەوە خانەنشین کراوم، خزمەتی 30 ساڵ مامۆستایەتیم هەیە، تاوەکو ئێستا نە ناسنامەی خانەنشینیم بۆ دروست کراوە، نە مووچەم بۆ بەستراوە، داوا لە ئاڤا دەکەم بەدواداچوون بکەن تا زوو کارەکەم بۆ ڕایی بکرێت.

زانیاریی تایبەت: سەرچاوەیەک لە بەڕێوەبەرایەتیی گشتیی خانەنشینی هەرێمی کوردستان بە ئاڤا میدیای ڕاگەیاند: بەدواداچوونمان بۆ مامەڵەی مامۆستا مەرزییە کرد و کارەکانی تەواو کراوە، هەم ناسنامەی بۆ دروستکراوە، هەم ناویشی داخلی لیستی مووچەی مانگی شەش کراوە.