مۆسکۆ هۆشداری دەداتە واشنتن لە هاوکاریکردنی ئیسرائیل

ئاڤا نیوز 

 

ڕووسیا هۆشداری دەداتە ئەمریکا لە هاوکاریکردنی ئیسرائیل لە شەڕی دژی ئێران و دەڵێت، ئەمە هەنگاوێکە بەرەو ناسەقامگیریی ڕیشەیی لە ناوچەکەدا.

 

لێدوانی فەرمی: سێرگی ریابکۆڤ، جێگری وەزیری دەرەوەی ڕووسیا ڕایگەیاند، هەر هاوکارییەکی سەربازیی ئەمریکا بۆ ئیسرائیل، هەنگاوێکە بەرەو ناسەقامگیریی ڕیشەیی لە ڕۆژهەڵاتی ناوەڕاستدا. 

 

هەروەها دەڵێ ڕووسیا لەپەیوەندیدایە لەگەڵ هەریەک لە ئێران و ئیسرائیل و توانای نێوەندگیریی لەنێوان هەردوو وڵات دا هەیە.

 

زانیاریی زیاتر: کۆشکی سەرۆکایەتیی ڕووسیا (کرێملین) ئامادەیی خۆی بۆ نێوەندگیریکردن بۆ چارەسەرکردنی ئاڵۆزییەکانی نێوان ئێران و ئیسرائیل دەربڕیوە.

 

ئاماری فەرمی: هەتاوەکو رۆژی یەکشەممە هێرشەکانی ئیسرائیل بۆ سەر ئێران بوونەتە هۆی کوشتنی بەلایەنی کەمەوە 224 کەس و برینداربوونی 1200 کەسی دیکە، لەنێویاندا ژمارەیەک فەرماندەی باڵای سوپا و زانای ئەتۆمی هەبوون، ئەمە بەپێی وەزارەتی تەندروستی.  بەپێی نووسینگەی نەتەنیاهوو؛ هێرشەکانی ئێرانیش بۆ سەر ئیسرائیل، بوونەتە هۆی کوژرانی 24 کەس و برینداربوونی 592 کەسی دیکە لە ئیسرائیل.

 

باکگراوند: ئیسرائیل و ئێران بۆ شەشەمین ڕۆژی لەسەریەک بەردەوامن لە هێرشەکانیان بۆ سەر یەکتر، ئەمەش لە ڕووبەڕووبوونەوەیەکی بێ وێنەی نێوان ئەو دوو زلهێزەی ناوچەکەدا.

 

بەرەبەیانیی ئەمڕۆ ئێران بۆ یەکەمجار مووشەکی هایپەرسۆنیکی فەتاح یەک، کە یەکێک لە کاریگەرترین چەکەکانییەتی، لەدژی ئیسرائیل بەکارهێنا و دەڵێ بەهۆیەوە زیانی لەو وڵاتە داوە.