وەزیری بەرگریی ئەڵمانیا بۆ ئێران: بۆ دانوستان درەنگ نییە

ئاڤا نیوز

جەنگی نێوان ئێران و ئیسرائیل بەشێوەیەکی مەترسیدار پەرەی سەندووە، وەزیری بەرگریی ئەڵمانیا بە ئێران دەڵێت هێشتا بۆ ئەنجامدانی دانوستان درەنگ نییە بگەڕێوە بۆ مێزی گفتوگۆ.

وێنە گەورەکە: هەوڵەکان بۆ کۆتاییهێنان بە جەنگی نێوان ئێران و ئیسرائیل بەردەوامە، حکومەتی ئەڵمانیا و کاربەدەستانی وڵاتەکە وەک زۆرێک لە وڵاتانی جیهان هەمیشە داوای ئارامگرتن و کەمکردنەوەی پەرەسەندنەکان دەکەن.

لێدوانی فەرمی: بۆریس پیستۆریۆس، وەزیری بەرگریی ئەڵمانیا بە ڕۆیتەرزی ڕایگەیاند، بەرلین بە ڕوونی بە ئێرانی ڕاگەیاندووە کە درەنگ نییە بۆ هاتنە سەر مێزی دانوستان و گفتوگۆکردن.

زانیاریی زیاتر: یوهان وادیفول، وەزیری دەرەوەی ئەڵمانیا ڕایگەیاند، پەرەسەندنی سەربازی لە ڕۆژهەڵاتی ناوەڕاست هەڕەشەی ڕاکێشانی وڵاتانی دیکە بۆ ناو ململانێکان دەکات.

لەلایەکی دیکەوە: لەدەستپێکی هێرشەکانی ئیسرائیل بۆ سەر ئێران، فرێدریک مێرز، ڕاوێژکاری ئەڵمانیا هەڵوێستی وڵاتەکەی بۆ پرسی ئەتۆمی ئێران خستەڕوو و جەختی لەوەکردەوە، نابێت ئێران ببێتە خاوەنی چەکی ئەتۆمی.

باکگراوند: لە مانگی نیسانی ئەمساڵەوە ئەمریکا و ئێران پێنج گەڕی دانوستانیان بۆ پرسی ئەتۆمی ئێران ئەنجامداوە، لەکاتێکدا هەردوولا ئامادەکارییان بۆ گەڕی شەشەم دەکرد، بەڵام دواجار ئیسرائیل هێرشی خۆی بۆ سەر ئێران دەستپێکرد بەمەبەستی ڕێگرییکردن لە هەڕەشە ئەتۆمییەکانی ئێران.