میدیاکانی ئیسرائیل: ئێران ڕووبەڕووی مەترسی کەمبوونەوەی مووشەک دەبێتەوە

ئاڤا نیوز

بە پێێ ڕاپۆرتی میدیاکانی ئیسرائیل، ئێران ڕووبەڕووی مەترسی کەمبوونەوەی مووشەک دەبێتەوە و تەلئەبیب ئەمە وەک ستراتیژیەتی سەربازی بەکاردەهێنێت.

زانیاریی بەدەستهاتوو: ڕاپۆرتە هەواڵگرییەکانی ئیسرائیل و ئەمریکا ئاماژە بە زانیاریی هەستیاری سەربازیی ئێران دەدەن، بە پێی ئەو ڕاپۆرتانە مووشەکی بە کۆگاکراوی ئێران  نزیکەی سێ هەزار مووشەک بووە، لە هێرشی فڕۆکە جەنگییەکانی ئیسرائیل بۆ سەر بنکە سەربازیی و کۆگاکانی مووشەکی ئێران هەزار مووشەک لەناوبراون، ئێرانیش لەسەرەتای جەنگەکەوە تاوەکو ئێستا ٤٤٠ مووشەکی لە هێرشەکان بۆ سەر خاکی ئیسرائیل بەکارهێناوە، بە پێی ئەم ڕاپۆرتانە ئێران زیاد لە نیوەی مووشەکەکانی لە دەستداوە.

لێدوانی فەرمی: شارەزایانی سەربازی ڕایدەگەیەنن، ئیسرائیل دەیەوێت ئەم دۆخەی ئێران وەک دەرفەتێکی ستراتیژیی سەربازی بەکاربهێنێت، درێژە بە جەنگەکە بدات و فشاری زیاتر بخاتە سەر ئێران بۆ بەکارهێنانی موشەکی زیاتر.

لەلایەکی دیکەوە: ئیسرائیل بە فڕۆکە سەکۆی مووشەکهاوێژەکان دەکاتە ئامانج و دەیەوێت جەنگەکە لە بەرژەوەندی خۆی یەکلایی بکاتەوە