درۆنێکی نەناسراو لە نزیک چەمچەماڵ دەکەوێتە خوارەوە

ئاڤا نیوز

 

بەیانی ئەمڕۆ لە گوندی کارێزەی دەلۆی ناحیەی سەنگاوی سەر بەقەزایی چەمچەماڵ درۆنێک دەکەوێتە خوارەوە و زیانی لەیەک دۆنم پەرێزی دانەوێڵە داوە.

 

وێنە گەورەکە: بەهۆی جەنگ و ئاڵۆزی نێوان ئێران و ئیسرائیل و بەهۆی هەڵکەوتەی سنووری کوردستان، لە ئەنجامی بۆردوومانی بەردەوامی هەردوولا، لەچەند ناوچەیەکی کوردستان درۆن کەوتوونەتە خوارەوە و تا ئێستا ڕووداوی نەخوازراوی لێنەکەوتووەتەوە.

 

زانیاریی  بەدەستهاتوو: بەرەبەیانی ڕۆژی هەینی لە گوندی کارێزەی دەلۆی ناحیەی سەنگاوی سەر بە قەزای چەمچەماڵ، درۆنێک کەوتووەتە خوارەوە و تاوەکو ئێستا ناسنامەی دیار نییە.

زانیاریی پەیامنێر: دیار محەممەد، پەیامنێری ئاڤا ڕایگەیاند، بە گوێرەی ئەو زانیارییانەی دەستمان کەوتووە، درۆنەکە لە ناوچەیەکی چۆڵەوانی کەوتووەتە خوارەوە و زیانی لە یەک دۆنم پەرێزی دانەوێڵە داوە.