سێ ئەندامی سوپای پاسدارانی ئێران كوژران

ئاڤا نیوز

 

لە ئەنجامی هێرشێكی ئاسمانیی ئیسرائیل بۆ سەر پارێزگای ئازەربایجانی ڕۆژهەڵات لە باكووری ڕۆژئاوای ئێران، سێ ئەندامی سوپای پاسداران گیانیان لەدەست دا.

 

بڵاوكراوەی فەرمی: سوپای پاسداران، ئەمڕۆ هەینی ڕایگەیاند: سێ ئەنداممان لە ئەنجامی هێرشێكی ئاسمانیی ئیسرائیل بۆ سەر پارێزگای ئازەربایجانی ڕۆژهەڵات گیانیان لەدەست دا.

 

لەلایەكی دیكەوە: میدیاكانی ئێران بڵاویان كردەوە كە شەوی ڕابردوو  ئیسرائیل هێرشی ئاسمانی كردووەتە سەر چەند ناوچەیەك لە هەریەك لە پارێزگاكانی تاران، گێڵان، گوڵستان و ئازەربایجانی ڕۆژهەڵات، هەروەها سێ تەقینەوەی بەهێز لەنێو تارانی پایتەخت ڕوویانداوە و بنكەیەكی سەربازیش لە ناوچەی بوستان ئاباد بۆردومان كراوە.

 

زانیاریی زیاتر:  فەرماندەیی سوپای پاسداران ئاشكراشی كردووە كە بەرەبەیانی ئەمڕۆ  دوو درۆنی قەبارە بچووكیان لە نزیک پاڵاوگەی نەوتی تاران تێكشكاندووە.