ئیسرائیل: شەڕی ئێمە لەگەڵ ئێران درێژەخایەن دەبێت

ئاڤا نیوز

وتەبێژی سوپای ئیسرائیل ڕایگەیاند، بەردەوام دەبین لە هێرشەکانمان دژی ئێران و شەڕی ئێمە لەگەڵ تاران درێژخایەن دەبێت.

وێنە گەورەکە: دوای هەفتەیەک لە شەر و هێرشی بەردەوامی ئیسرائیل و ئێران بۆ سەر یەکتری هەردوو وڵات نیازی ڕاگرتنی هێرشەکانیان نییە و تا دێت دۆخەکە ئاڵۆزتر و گرژییەکان زیاتر دەبن.

 

لێدوانی فەرمی: ئیڤی دیڤرین، وتەبێژی سوپای ئیسرائیل ڕایگەیاند: شەڕی ئێمە لەگەڵ ئێران درێژخایەن دەبێت.

-تا گەیشتن بە ئامانجەکانمان هێرشەکانمان بۆ سەر ئێران بەردەوام دەبن.

-ڕۆژانی داهاتوو پڕ دەبێت لە ئاڵنگاری.

-تا بەدیهێنانی ئامانجەکانمان لە هێرشەکانمان بۆ سەر ئێران بەردەوام دەبین.

-بنکە مووشەکییەکانی ئێرانمان کردووەتە ئامانج و تواناکانمان لاواز کردووە.

لەلایەکی دیکەوە: وەزارەتی تەندروستی ئیسرائیل ڕایگەیاند: لە سەرەتایی هێرشەکانی ئێران بۆ سەر ئیسرائیل زیاتر لە دوو هەزار و 500 کەس بریندار بوون.