بەرگریی شارستانی دهۆک: تا ئێستا تەرمەکان نەدۆزراونەتەوە

ئاڤا نیوز

 گەڕان بەدوای تەرمی قوربانییەکانی لافاوەکەی دوێنێی دهۆک بەردەوامە، تا ئێستا تەرمەکانیان نەدۆزراوەتەوە.

لێدوانی فەرمی: بێوار عەبدولعەزیز، گوتەبێژی بەرگريی شارستانی دهۆک بە ئاڤا نیوزی ڕاگەیاند: بەهۆی لافاوەکەوە سێ کەس گیانیان لەدەستدا، 11 کەسیش برینداربوون و 120 کەسیش ڕزگارکران و بەنداوێکیش تەقیوە و 160خانوو  50 ئۆتۆمبێلیش زیانیان بەرکەوتووە.

زانیاریی زیاتر: دوو کەس لەوانەی گیانیان لەدەستداوە، خەڵکی موسڵن تا ئێستا تیمەکانی بەرگری شارستانی بەهاوکاری تیمەکانی دیکەی حکومەتی هەرێمی کوردستان بەدوای تەرمی قوربانییەکاندا دەگەڕێن.

باکگراوند: ساڵی 2017 لە دهۆک بەهۆی لافاوەوە سێ کەس گیانیان لەدەستدا، تەنیا تەرمی دووانیان دۆزرایەوە تەرمی یەکێک لە قوربانییەکان نەدۆزرایەوە کە منداڵێک بوو لە کەمپی دۆمیز ئاوبردی.