سوپای ئیسرائیل کوشتنی فەرماندەیەکی باڵای حیزبوڵڵا ڕادەگەیێنێت

ئاڤا نیوز

وتەبێژی عەرەبیی سوپای ئیسرائیل ئاشکرای کرد، محەممەد خزر حوسەینی، فەرماندەی سیستمی تۆپخانەی حیزبوڵڵای لوبنانی لەنێو ئۆتۆمبێلەکەیدا کردووەتە ئامانج.

وێنە گەورەکە: لە مانگی تشرینی دووەمی ساڵی ڕابردوو، ئیسرائیل و حیزبوڵڵای لوبنان ڕێککەوتنی ئاگربەستیان واژۆ کرد، بەڵام لەو کاتەوە ئیسرائیل بە سەدان ئۆپەراسیۆن و هێرشی لە باشووری لوبنان ئەنجامداوە.

ڕاگەیێنراوی فەرمی: ئەفیخای ئەدرەعی، وتەبێژی عەرەبیی سوپای ئیسرائیل لە تۆڕی "ئێکس" ڕایگەیاند: ئەمڕۆ سوپای ئیسرائیل لە ناوچەی شەبریحە لە باشووری لوبنان محەممەد خزر حوسەینی کوشت.

زانیاریی زیاتر: سوپای ئیسرائیل حوسەینی تۆمەتبار کردووە بە بۆردوومانکردنی چەندین ناوچەی ئیسرائیل لەوانەش ناوچەی نەهاریا و حەیفا لە ماوەی جەنگی نێوانیاندا.