ئێران بە مووشەک ئیسرائیل بۆردوومان دەکات و لە چەند ناوچەیەکی ئێرانیش دەنگی تەقینەوە دەبیسترێت

ئاڤا نیوز

 

بەرەبەیانی ئەمڕۆ شەممە ئێران ژمارەیەک مووشەکی دیکەی ڕەوانەی ئیسرائیل کرد و بەهۆیەوە زەنگی ئاگادارکردنەوە لە تەواوی ئیسرائیل لێدراو و ئیسرائیلیش لە بەرامبەردا چەند شوێنێکی لە ناوەڕاستی تاران بە ئامانجگرت.

 

ڕاگەیێنراوی فەرمی: میدیاکانی ئێران بڵاویان کردەوە کەمێک پێش ئێستا، ئێران بە مووشەک هێرشی کردە سەر تەلئەبیب و بەهۆی هێرشەکەوە ئاگر لە باڵەخانەیەک کەوتەوە. هاوکات لە هەمانکاتدا ئیسرائیل چەند ناوچەیەکی لە ناوخۆی ئێران بۆردوومان کرد و دەنگی تەقینەوە دەبیسترێت.

 

- میدیای ئێران دەڵێت، هێرشکراوەتە سەر باڵەخانەیەک لە قوم و کەسێک بەهۆی هێرشەکەوە گیانی لەدەست داوە و دوو کەسی دیکەش برینداربوون.

 

- هاوکات بەگوێرەی میدیای ئێران، ئیسرائیل هێرشی کردووەتە سەر بنکە و بارەگاکانی سوپا و ئەرتەش و سەکۆ و کۆگا مووشەکییەکانی ئێران لەم شارانە: تاران، لە رۆژئاوا و ڕۆژهەڵاتی شارەکە، کرماشان، ئەسفەهان، زەنجان، قوم، مەهاباد، ڕەشت.

 

لەلایەکی دیکەوە: میدیای ئیسرائیل بڵاویانکردووەتەوە: هێرشەکەی ئیسرائیل بۆ سەر تاران بە ئامانجگرتنی دوو فەرماندەی سەربازی سوپای پاسداران بووە.