وەزیری دەرەوەی ئێران: ئەم هێرشەی ئیسرائیل بە پشتیوانی ئەمریکا دەکرێت

ئاڤا نیوز

وەزیری دەرەوەی ئێران لەبارەی دانوستانەکانی وڵاتەکەی لەگەڵ ئەمریکا جەخت لەوە دەکاتەوە کە لەژێر ڕۆشنایی ئەم پێشهاتانە و بەردەوامی هێرشەکانی ئیسرائیل دانوستان ناکەن.

وێنە گەورەکە: زیاتر لە هەفتەیەکە جەنگی نێوان ئیسرائیل و ئێران بەردەوامە هەردوولایەنی جەنگ بەردەوام هەڕەشەی فراوانکردنی جەنگ دەکەن و ئێران دەڵێت: ناگەڕێینەوە سەر مێزی گفتوگۆ تاوەکو ئیسرائیل هێرشەکانی ڕانەگرێت. 

 

لێدوانی فەرمی: عەباس عێراقچی، وەزیری دەرەوەی ئێران لە ئیستەنبووڵ ڕایگەیاند: دیپلۆماسی لە ڕابردوودا سەرکەوتوو بووە و ئێستاش دەتوانێت سەربکەوێت، ئەم ‌هێرشانەی ئیسرائیل بە پیشتوانی ئەمریکایە و ئەمریکا بەشدارە لەم شەڕەدا''. 

بەشێکی دیکە لە قسەکانی وەزیری دەرەوەی ئێران:- 

٠ بۆ گەڕانەوە بۆ دیپلۆماسییەتیش پێویستە هێرشەکانی ئیسرائیل بۆ سەر وڵاتەکەمان ڕابگیرێن. 

٠ ئەم هێرشەی ئیسرائیل بە پشتیوانی ئەمریکا دەکرێت و ئەمریکا ڕاستەوخۆ بەشدارە لەم شەڕە.
٠ مافی خۆمان لە بەرگری بەرامبەر بە هێرشی بێ پاساوی ئیسرائیل بۆ سەر وڵاتەکەمان بەکاردەهێنین. 
٠ پێش ئەوەی ئیسرائیل هێرش بکاتە سەرمان، ئامادەبووین دانوستان لەسەر بەرنامەی ئەتۆمی بکەین،


زانیاریی زیاتر: ئەم لێدوانەی عێراقچی لەکاتێکدایە، ئێستا کۆبوونەوەی وەزیرانی دەرەوەی ڕێکخراوی هاریکاریی ئیسلامی لە تورکیایە دەکرێت. 

باکگراوند: هەفتەی ڕابردوو لەمیانەی ئامادەکارییەکانی ئەمریکا و ئێران بۆ ئەنجامدانی گەڕی شەشەمی دانوستانەکان بەنێوەندگیریی عومان بۆ پرسی ئەتۆمی ئێران، ئیسرائیل بەهێرشێکی فراوان چەندین پێگەی جیاوازی ئێرانی کردە ئامانج، دوای کەمتر لە 20 کاتژمێر ئێران وەڵامی ‌هێرشەکانی دایەوە و تاوەکو ئێستا هەردوولا بە ئامانجگرتنی شوێن و پێگە گرنگەکانی یەکتر بەردەوامن.