ئەمڕۆ پاڵەوانێتیی جامی عەرەب بۆ تۆپی پێ دەست پێ دەکات

ئاڤا نیوز

ئەمڕۆ، دووشەممە، پاڵەوانێتیی جامی عەرەب 2025 بۆ تۆپی پێ، بە دوو یاریی کردنەوە دەست پێ دەکات. توونس ڕووبەڕووی سووریا دەبێتەوە و قەتەر وڵاتی میواندار، یاریی لەگەڵ فەلەستین دەکات.

چیرۆکی سەرەکی: ئەمرۆ دووشەممە بە فەرمی 11ـەمین وەشانی جامی عەرەب 2025 لە 1 تا 18ـی 12ـی 2025 لە وڵاتی قەتەر بەڕێوەدەچیت. ئەمە سێیەم جارە قەتەر میوانداریی پاڵەوانێتییەکە بکات و جەزائیر پاڵەوانی وەشانی پێشووە. یارییەکان لە شەش یاریگای مۆندیالی 2022 بەڕێوەدەچن.

یاریی یەکەم لە کاتژمێر 4ـی پاشنیوەڕۆ لە یاریگای ئەحمەد بن عەلی بەڕێوەدەچێت، یاریی دووەمیش لە کاتژمێر 6:45ـی ئێوارە لە یاریگای بێت لە شاری خور. هەڵبژاردەی عێراق ڕۆژی چوارشەممە یەکەم یاریی خۆی لەگەڵ بەحرەین لە یاریگای 974ـی مۆندیالی ئەنجام دەدات.

ئەوەی پێویستە بیزانیت: جگە لە کەناڵی "بی ئێن سپۆرت" یارییەکان لە کەناڵەکانی "ئەبووزەبی وەرزشی"، "کاس"، "ڕابعیە وەرزشی"، "دوبەی وەرزشی"، و "کوێت وەرزشی" پەخش دەکرێن.

پاڵەوانێتییەکە چوار گرووپی تێدایە و دوو هەڵبژاردەی یەکەمی هەر گرووپێک دەگەنە قۆناغی دواتر. عێراق لە 3ـی 12ـدا یاریی لەگەڵ بەحرەین، لە 6ـی 12ـدا لەگەڵ سوودان، و لە 9ـی 12ـدا لەگەڵ جەزائیر دەکات.