کونسوڵخانەی نوێی ئەمریکا لە هەولێر ده‌کرێتەوە

ئاڤا  نیوز

بڕیارە لە چەند ڕۆژی داهاتوودا گەورەترین کونسوڵخانەی ئەمریکا لە هەولێر بکرێتەوە، کە یەكێكە لە گەورەترین کونسوڵخانەکانی ئەو وڵاتە لەسەر ئاستی ڕۆژهەڵاتی ناوەڕاست. 

چیرۆکی سەرەکی: کونسوڵخانەکە پێکهاتووە لە باڵەخانەیەکی سەرەکی و چەندین باڵەخانەی دیکە کە تایبەت دەکرێن بە مانەوەی کارمەندانی ئەمریکا، هاوکات کۆمەڵگەیەکی نیشتەجێبوونی هەیە کە هەموو پێداویستییەکانی ڕۆژانەی وەکو یاریگا و مەلەوانگە و پارک، تەنانەت هۆتێلیشی تێدایە.

زانیاریی زیاتر: کۆنسوڵخانەکە بۆ دابینکردنی ئاو و کارەبا پشت بەخۆی دەبەستێت، وە هۆڵی لەشجوانی و چێشتخانە و  چالاکی ڕۆژانەن لەخۆدەگرێت.

ئەمەش بزانە: کارەبای لەڕێگای سیستمی سۆلارەوە دابیندەکرێت و بۆ دابینکردنی ئاویش باڵەخانە و زەوییەکەی بەشێوەیەک دیزاین کراوە کە بتوانرێت ئاوی باراناوی تیایدا گلبدرێتەوە و بۆ پێداویستییەکانی دانیشتووانەکەی بەکاربهێنرێتەوە، پێكهاتە و دیزاینەکەی بە جۆرێکە کاریگەری تیشکی خۆر کەمدەکاتەوە و  پلەی گەرما تیایدا بە جێگیری دەمێنێتەوە.