ئەردۆغان: ئیسرائیل لە تێكدانی سەقامگیری ناوچەكە بەردەوامە

ئاڤا نیوز

سەرۆککۆماری تورکیا لە کۆبوونەوەی ڕێکخراوی هاریکاری ئەنجوومەنی ئیسلامی ڕایگەیاند: ئیسرائیل نایەوێت ئاشتی لە ناوچەکە بمنێتەوە و خودی کێشەکەش هەر ئەو وڵاتەیە و پێویستە چارەسەر بکرێت. 

چیرۆکی سەرەکی: ئەمڕۆ شەممە، بە سەرپەرشتی هاکان فیدان، وەزیری دەرەوەی ئێران 51یەمین کۆبوونەوەی ئەنجوومەنی رێکخراوی هاریکاری ئیسلامی لە ئیستەنبووڵ کۆدەبنەوە، شەڕی نیوان ئیسرائیل و ئێران تاوتوێ دەکەن، ڕەجەب تەیب ئەردۆغان، سەرۆککۆماری تورکیا قسەی خۆی هەبوو و عەباس عێراقچی بەشداری لەو کۆبوونەوەیە دەکات.

لێدوانی فەرمی: ڕەجەب تەیب ئەردۆغان، سەرۆککۆماری تورکیا لە 51یەمین کۆبوونەوەی ئەنجوومەنی رێکخراوی هاریکاری ئیسلامی لە ئیستەنبووڵ ڕایگەیاند: هێرشەكانی ئیسرائیل دوای غەززە، سووریا و لوبنان و ئێرانیشی گرتووەتەوە و ئەوەی ئیسرائیل دەیکات بێڕێزیکردنە بەرامبەر بە مرۆڤایەتیی، ئێران مافی خۆیەتی لەبەرامبەر ئەو دەستدرێژییانە بەرگریی لەخۆی بکات.

 

٠ لە بەشێکی دیکەی قسەکانیدا سەرۆککۆماری تورکیا ڕایگەیاند: حکومەتەکەی نەتانیاهۆ لەکاتێکدا هێرشی دەستپێکردووە کە دانوستان هەبووە بۆ چارەسەی کێشەکان، بەڵام ئەوە ڕوونبووەتەوە ئێستا ئیسرائیل ئاشتی ناوێت و دەیەوێت ئارامی تەواوی ناوچەکە تێکبدات. 

٠ بە تووندترین شێوە سەرکۆنەی هێرشەکانی ئیسرائیل بۆ سەر ئێران دەکەم و بەناوی گەلی تورکیاوە سەرخۆشی ئاراستەی بنەماڵەی قوربانیان دەکەم.