میدیاكانی ئیسرائیل: تا ئێستا 17 زانای ئەتۆمی ئێران كوژراون

ئاڤا نیوز

كەناڵی 12ـی ئیسرائیل بڵاویدەكاتەوە، لە ماوەی نۆ ڕۆژی جەنگی نێوان ئیسرائیل و ئێران، 17 زانای ئەتۆمی ئێران كوژراون، میدیاكانی ئێرانیش دەڵێن: 14 زانای ئەتۆمی لەلایەن ئیسرائیلەوە كوژراون.

 

وێنە گەورەكە: ڕۆژی 13ـی ئەم مانگە، ئیسرائیل لەڕێگەی فڕۆكەی شەڕكەری جۆری ئێف-35، هێرشی فراوانی كردە سەر ئێران و هەر لە یەكەم ڕۆژدا ژمارەیەك زانای ئەتۆمی ئێرانی بەئامانج گرت.

 

هۆكارە زانراوەكان: ئیسرائیل لەڕێگەی بەئامانجگرتنی زانا ئەتۆمییەكان مەبەستییەتی زیان بە پرۆگرامە ئەتۆمییەكەی ئێران بگەیەنێت.

 

پەیوەست بەم بابەتە: بەپێی هەواڵی ئاژانسی مێهری ئێرانی، بەپشتبەستن بە زانیاریی ڕۆژنامەی شەریف، تێیدا كوژرانی دكتۆر سەید ئایسار تەباتەبایی، زانای پیشەسازیی ئەتۆمی ئێران ئاشكرا كراوە، كە لە هێرشەكانی كۆتایی هەفتەی ڕابردوودا لەگەڵ هاوسەرەكەی، لە ماڵەكەی خۆیدا كوژراون.ا