ئێران بۆ یەکەمجار مووشەکی خەیبەری لە دژی ئیسرائیل بەکار‌هێنا

ئاڤا نیوز

 

میدیا ئێرنییەکان بڵاویانکردەوە، لە هێرشەکانی ئەم جارەی ئێران بۆ سەر ئیسرائیل بۆ یەکەمجار مووشەکی خەیبەری بەکارهێنا.

 

وێنە گەورەکە: بەرەبەیانی ئەمڕۆ یەکشەممە، ئەمریکا بە هێرش کردنە سەر پێگەی سەرەکی ئەتۆمی ئێران بەشداری جەنگی نێوان ئیسرائیل و ئێران کرد و جەنگەکەی بردە قۆناغێکی نوێوە و بەپێی پێشبینییەکان بەم بەشداریکردنە پەرەسەندنەکانی شەڕی ناوچەکە زیاتر دەبن.

ڕاگەیێنراوی فەرمی: سوپای پاسداران ڕایگەیاند، دوای هێرشەکەی ئەمریکا بۆ سەر ئێران لە شەپۆلی بیستەمی ئۆپەراسیۆنی ' بەڵێنی ڕاستگۆ 3'، ئێران بۆ یەکەمجار بە مووشەکی 'خەیبەر' هێرشی کردە سەر ناوچە جیاوازەکانی ئیسرائیل.

 

لەلایەکی دیکەوە:  ڕادیۆی سوپای ئیسرائیل: ئەم بەیانییە ئێران دووجار هێرشیکردووە جارێک بە 22 مووشەک و جارێک بە 5 مووشەک.

 

پێدراوە ڕاستەکان: خەیبەر، جۆرێک مووشەکی مەودا مامناوەندە، ناونانیشی ئاماژەیەکی ئایینییە بۆ بیابانی خەیبەر کە پێش هاتنی ئیسلام لە دەستی جوو بووە، دوای شەڕی خەیبەر لە ساڵی 628ـی زایینی، کەوتە دەست موسڵمانان.