دەرگای وەرگرتنی گەنم بەڕووی جووتیارانی کۆیە کرایەوە

ئاڤا نیوز

بەرەبەیانی ئەمڕۆ دەرگای وەرگرتنی گەنم بەڕووی جووتیارانی کۆیە کرایەوە و بڕیارە زیاتر لە 16 هەزار تۆن گەنم وەربگرێت. 

وێنە گەورەکە: بۆ ئەمساڵ 400 هەزار تۆن گەنم لە جووتیارانی هەرێمی کوردستان وەردەگیرێت، لەو بڕە 12 هەزار و 600 تۆن بۆ جووتیارانی پارێزگای هەولێر دیاری کراوە کە لە ماوەی 45 ڕۆژ لێیان وەردەگیرێت، لە بەشی پارێزگای هەولێریش زیاتر لە 16 هەزار و 230 تۆن گەنم لە جووتیارانی قەزای کۆیە وەردەگیرێت.

 

لێدوانی فەرمی: کامەران ئەمیر، بەڕێوەبەری کشتوکاڵی کۆیە بەئاڤای گوت: ئەمڕۆ وەرگرتنی گەنم لە جووتیارانی کۆیە دەستیپێکرد، ماوەی سێ ڕۆژ بۆ جووتیارانی کۆیە، سێ ڕۆژ بۆ سنووری تەقتەق و یەک ڕۆژیش بۆ ناحیەی سکتان دیاری کراوە.

 

ژمارەکان وادەڵێن: لە سنووری کۆیە و تەقتەق، 4200 جووتیار کە دوو هەزار 253 دۆنم زەویی بەراو و 102 هەزار دۆنم زەویی دێمیان بە گەنم داچاندبوو، لە بنکەی وەرگرتنی گەنم لە کۆیە گەنمیان لێوەردەگیرێت.