نیویۆرک تایمز: گرووپە چەکدارەکانی نزیک لە ئێران هێرش دەکەنە سەر بەرژەوەندییەکانی ئەمریکا  لە ناوچەکە

ئاڤا نیوز

ڕۆژنامەیەکی ئەمریکی لە زاری بەرپرسانی ئەو وڵاتە ئاشکرای کردووە؛ لەدوای هێرشەکانی ئەمریکا بۆ سەر ئێران، گرووپە چەکدارەکانی نزیک لە ئێران دەیانەوێت هێرش بکەنە بنکە سەربازییەکانی ئەمەریکا.

وێنە گەورەکە: ڕۆژی یەکشەممە 22-6-2025، ئەمریکا بە هێرشکردنە سەر پێگە سەرەکییەکانی ئەتۆمی ئێران بەشداری جەنگی نێوان ئیسرائیل و ئێرانی کرد و جەنگەکەی بردە نێو قۆناغێکی نوێ، بەپێی پێشبینییەکان بەم بەشداریکردنە پەرەسەندنەکانی ناوچەکە زیاتر دەبن.

زانیاری بەدەستهاتوو: ڕۆژنامەی نیویۆرک تایمز لە زاری بەرپرسانی ئەمریکاوە بڵاوی کردەوە، گرووپە چەکدارەکانی لایەنگری ئێران خۆیان بۆ هێرشکردنە سەر بنکە سەربازییەکانی ئەمریکا لە عێراق و سووریا ئامادە دەکەن.

ئەوەی لەوبارەیەوە دەگوترێت: هەریەکە لە گرووپەکانی حیزبوڵڵا و بەرەی مقاوەمە لە عێراق، پلانی ئۆپەراسیۆنیان هەیە بۆ هێرشکردن بە مووشەک و فڕۆکەی بێفڕۆکەوان بۆ سەر بنکەکانی ئەمەریکا لە عێراق.