مەسرور بارزانی سەرکۆنەی تەقینەوەی کەنیسەکەی دیمەشق دەکات

ئاڤا نیوز

سەرۆکوەزیران مەسرور بارزانی، سەرکۆنەی هێرشە تیرۆرستییەکەی کەنیسەکەی دیمەشق دەکات و پشتیوانی بۆ ئازادی بیروباوەڕ دووپات دەکاتەوە.

چیرۆکی سەرەکی: شەوی ڕابردوو، هێرشێکی خۆکوژی کرایە سەر کەنیسەی مار ئیلیاس لە دیمەشق و خۆکوژێک دوای تەقەکردن خۆی لەناو نوێژخوێنانی کریستیان تەقاندەوە، لە ئەنجامدا 22 کەس کوژران و 63 کەسی دیکەش بریندار بوون.

پەیامی فەرمی: سەرۆکوەزیران مەسرور بارزانی لە پەیامێکی هاوخەمیدا ڕایگەیاند، "بە تووندی سەرکۆنەی ئەو هێرشە خۆکوژییە تیرۆریستییە دەکەم کە کرایە سەر کەنیسەی مار ئیلیاس لە دیمەشق. پرسە و سەرەخۆشی قووڵی خۆم ئاراستەی کەسوکاری قوربانیان دەکەم و هیوای چاکبوونەوە بۆ بریندارەکان دەخوازم و هاوسۆزی هەموو زیانلێکەوتووانم. پشتیوانیی بەهێزی خۆمان بۆ ئازادی بیروباوەڕ دووپات دەکەینەوە و بە هەموو شێوەیەکیش تیرۆر ڕەت دەکەینەوە و دژی دەوەستین".