پەرلەمانی عێراق لەسەر بژێوی ژیانی هاووڵاتییان سکاڵا لەسەر حکومەت تۆمار دەکات

ئاڤا نیوز

بەهۆی دواکەوتنی خشتەی بودجەی ساڵی 2025 و کاریگەرییەکانی لەسەر ژیانی هاووڵاتییان، پەرلەمانی عێراق سکاڵای یاسایی لەسەر حکومەت تۆمار دەکات. 

 

چیرۆکی سەرەکی:  بڕیار وابوو کۆتایی ساڵی 2024 یاخود سەرەتای ساڵی 2025 حکومەتی عێراق خشتەی بودجەی ساڵی 2025، ڕەوانەی ئەنجوومەنی نوێنەران بکات بۆ ئەوەی دەنگی لەسەر بدرێت، بەڵام تاوەکو ئێستا ئەو کارە نەکراوە و خشتەکان لە ئەنجوومەنی وەزیران ماوەتەوە.

 

لێدوانی فەرمی: هادی سەلامی، پەرلەمانتاری عێراق رایگەیاند: نەناردنی خشتەی بودجەی ساڵی 2025 لە حکومەتەوە بۆ پەرلەمان تاوەکو ئیستا پێشێلکردنی ماددەی 62ـی دەستوورە، یاسایی بەڕێوەبردنی دارایی ژمارە شەشی ساڵی 2019 و یاسای بودجەی ژمارە 23 ـی ساڵی 2023 ـیە، ئەمەش کاریگەریی نەرێنی لەسەر ژیانی هاووڵاتییان دروستکردووە.

زانیاریی زیاتر: سەلامی باسی لەوەشکردووە، بەهۆی دواکەوتنی خشتەی بودجەی ساڵی 2025 و کاریگەرییەکانی لەسەر ژیانی هاووڵاتییان لەلایەک، لێکدانەوەی هەڵە و کەمتەرخەمی لەلایەکی دیکەوە، پەرلەمان سکاڵای یاسایی لەسەر ئەنجوومەنیی وەزیرانی عێراق و وەزارەتی دارایی تۆمار دەکات.