تەنها لە ڕۆژێکدا ئەمریکا 500 فەرمانبەر و نێردەی دیپلۆماسی لە عێراق دەکشێنێتەوە

ئاڤا نیوز


لە هەنگاوێکی خێرا و خۆپارێزیدا، 500 فەرمانبەر و نێردەی دیپلۆماسیی ئەمریکا، عێراقیان بەجێهێشتووە و ڕەوانەی ناوچەیەکی سەلامەت کراون.

چیرۆکی سەرەکی: چەند ڕۆژێک پێش هێرشەکەی ئیسرائیل بۆ سەر ئێران، ئەمریکا بڕیاریدا ژمارەی نێردە دیپلۆماسییەکانی لە عێراق و ناوچەکە کەمبکاتەوە، دوای ئەوەی فرۆکە جەنگییەکانی ئەمریکا هێرشیان کردە سەر پێگە ئەتۆمییەکانی نەتەنز، فۆردۆ و ئەسفەهان لە ئێران، واشنتن ژمارەی نێردە دیپلۆماسییەکانی لەناوچەکە بە تایبەتی لەعێراق زیاتر کەمدەکاتەوە.

ڕاگەیێنراوی فەرمی: تۆڕی هەواڵی سی ئێن ئێن لەزاری سەرچاوەیەکی ئاگادار  بڵاویکردووەتەوە: سەرلەبەیانی رۆژی یەکشەممە 22-6-2025، زیاتر لە 500 فەرمانبەر و نێردەی دیپلۆماسیی ئەمریکا، عێراقیان بەجێهێشتووە.

 

زانیاریی زیاتر: لە هەنگاوێکی خۆپارێزیدا و وەک ئامادەکارییەک بۆ ڕێگریکردن لە هەر هێرشێکی گرووپە چەکدارەکانی نزیک لە ئێران بۆ سەر باڵیۆزخانەی ئەمریکا لە بەغدا، هێزێکی ئەمنی لەدەورووبەری باڵیۆزخانەی ئەمریکا بڵاوەیان پێکراوە و پشتێنەیەکی ئەمنییان بۆ پاراستنی ناوچەی سەوز دروستکردووە.