ئاسمانی عێراق بەڕووی سەرجەم گەشتە ئاسمانییەکان دادەخرێت

ئاڤا نیوز

وەزارەتی گواستنەوەی عێراق ڕایگەیاند، ئاسمانی وڵات بەڕووی سەرجەم گەشتەکان داخرا لەناویشیاندا گەشتەکانی فڕۆکەخانەی نێودەوڵەتی بەسرە.

وێنە گەورەکە: لە کاردانەوەی هێرشەکانی دوێنێی ئەمریکا بۆسەر وێستگە ئەتۆمییەکانی ئێران، ئەمشەو ئەو وڵاتە هێرشێکی مووشەکی بۆسەر بنکەکانی ئەمریکا لە قەتەر و عێراق ئەنجامدا، هاوکات تەواوی بنکەکانی دیکەی ئەمریکاش لە کەنداو و وڵاتانی دیکەی ناوچەکە کەوتوونەتە حاڵەتی ئامادەباشییەوە.

لێدوانی فەرمی: مەیسەم سافی، وتەبێژی وەزارەتی گواستنەوەی عێراق بە ئاژانسی هەواڵی فەرمی عێراقی ڕاگەیاند، ئاسمانی وڵات بەڕووی هەموو گەشتەکاندا داخراوە، لەوانەش گەشتەکانی باشووری عێراق کە لەڕێگەی فڕۆکەخانەی نێودەوڵەتی بەسرەوە ئەنجام دەدران.