پەیامێکی نوێ لە خامنەیی: لەژێر هیچ بارودۆخێکدا ستەم قبووڵ ناکەین

ئاڤا نیوز

ڕێبەری کۆماری ئیسلامی ئێران لەدوای هێرشی وڵاتەکەی بۆ سەر بنکەی سەربازی ئەمریکا لە قەتەر ڕایگەیاند: خۆمان لە بەرامبەر پێشێلکاریی هیچ کەسێک دا بەدەستەوە نادەین.

 

چیرۆکی سەرەکی: وەکو وەڵامدانەوەیەک بۆ هێرشی ڕۆژی ڕابردووی ئەمریکا بۆ سەر وێستگە ئەتۆمییەکانی ئێران، سوپای پاسداران بە شەش مووشەکی بالیستی هێرشی کردە سەر بنکەی سەربازی عودەیدە لە قەتەر و سیستیمی بەرگریی ئاسمانیش بەرپەرچی هیرشەکانی دایەوە، دوا بەدوای ئەوە کاردانەوەی خێرای وڵاتانی بەدوای خۆیدا هێنا. 

 

ڕاگەیێنراوی فەرمی: هەژماری عەلی خامنەیی، ڕێبەری کۆماری ئیسلامی ئێران لە ئێکس بڵاوکردووە: مافی کەسمان نەخواردووە و لەژێر هیچ بارودۆخێکیشدا ستەم قبووڵ ناکەین. خۆمان لە بەرامبەر پێشێلکاریی هیچ کەسێک دا بەدەستەوە نادەین، ئەمە شێوازی بیرکردنەوەی گەلی ئێرانە.

 

لەلایەکی دیکەوە: عەباس عێراقچی، وەزیری دەرەوەی ئێران ڕایگەیاند: هێرشەکەمان بۆ سەر بنکەی سەربازی ئەمریکا لە عودیدە لە قەتەر، وەڵامی هێرشی ئەمریکا بوو بۆ سەر سەروەریمان و مافی خۆمان بووە.