ئیسرائیل هۆشداریی خێرا بۆ ناوچەی حەوتی تاران دەنێرێت

ئاڤا نیوز

سوپای ئیسرائیل هۆشدارییەکی بە زمانی فارسی بڵاوکردووەتەوە و داوا لە دانیشتوانی ناوچەی حەوت دەکات بەزووی چۆڵی بکەن. 

زانیاریی بەدەستهاتوو: وەزارەتی بەرگریی ئیسرائیل داوا لە دانیشتوانی ناوچەی حەوتی تاران دەکات لەم ناوچەیە دوور بکەونەوە، چونکە کەمێکی دیکە بنکەیەکی سوپای پاسداران لەم ناوچەیە دەکرێتە ئامانج.

 

زانیاریی زیاتر: بەگوێرەی ئەو هەواڵانەی لە میدیاکانی ئیسرائیل بڵاوکراوەتەوە، فڕۆکە جەنگییەکانی ئیسرائیل ئێستا گەیشتوونەتە ئاسمانی سووریا و ئامانجیان ئەوەیە لە ئێران هێرش بکەنە سەر ناوچەی حەوت.

ئەمەش بزانە: لەدوای بڵاوکردنەوەی ئەم هۆشدارییە، تەنها دوای کەمتر لە 20 خولەک میدیاکانی ئیسرائیل بڵاویانکردەوە، هێرشەکانی ئیسرائیل دەستیان پێکردووە و بنکەیەکی سەربازی سوپای پاسداران لە بەندەر عەباس بە ئامانجگیراوە. 

٠ ئیسرائیل لە هێرشێکدا دوو بنکەی سەربازی سوپای پاسدارانی لە خورام ئاباد و گیلانی باکووری ئەو وڵاتە بە ئامانج گرتووە.

 

لەلایەکی دیکەوە: ئێران پەیامێکی بەپەلەی بۆ خەڵکی تەلئەبیب بڵاوکردەوە: ئاگاداری ناوچەی بەنی بوراک دەکەین هێرشەکانمان بەردەوام دەبن، خۆتان بپارێزن دوور بکەونەوە.