هەڵوێستی ئێران لەبارەی ئاگربەست لەگەڵ ئیسرائیل

ئاڤا نیوز

 

بەرپرسێکی باڵای ئێران ڕایدەگەیێنێت، وڵاتەکەی ڕازیبووە بە پێشنیازی ئاگربەست بۆ کۆتاییهێنان بە جەنگی نێوان ئێران و ئیسرائیل.

 

وێنە گەورەکە: دوای بەردەوامبوونی جەنگ بۆ ماوەی 12 ڕۆژ، دۆناڵد ترەمپ سەرۆکی ئەمریکا، لە تۆڕی کۆمەڵایەتیی ترووس سۆشیاڵ کۆتاییهاتنی جەنگی ئیسرائیل و ئێرانی ڕاگەیاند و گوتی، "هەردوو وڵات لەسەر ئاگربەست ڕێککەوتن".

 

لێدوانی فەرمی: بەرپرسێکی باڵای ئێران بە ئاژانسی ڕۆیتەرزی ڕاگەیاندووە، ئێران ڕازی بووە بە نێوەندگیری قەتەر و ئەمریکا لەبارەی پێشنیازی ئاگربەست لەگەڵ ئیسرائیل.

 

ئەوەی پێویستە بیزانیت: دۆناڵد ترەمپ، سەرۆکی ئەمریکا لە تۆڕی کۆمەڵایەتی ترووس سۆشیاڵ ڕایگەیاند: پیرۆزە لە هەموو لایەک، ئێران و ئیسرائیل بە تەواوی لەسەر ئاگربەست ڕێککەوتوون. سەرۆکی ئەمریکا گوتیشی، سەرەتا ئاگربەستەکە بۆ ماوەی 12 کاتژمێر بەردەوام دەبێت، دوای ئەوە شەڕ بەفەرمی کۆتایی دێت.