پەرلەمانتارێک: کێشەی دادگای فیدراڵی لەدوو ڕۆژی داهاتوو چارەسەر دەبێت

ئاڤا نیوز

 

دوای دەستلەکارکێشانەوەی سەرۆکی دادوەری دادگای باڵای فیدراڵی، پێشبینی دەکرێت نۆ ئەندامە دەستلەکارکێشاوەکەی دادگا بەبڕیارەکەیاندا بچنەوە.

وێنە گەورەکە: ڕۆژی 19-6-2025، شەش ئەندامی سەرەکی و سێ ئەندامی یەدەگی دادگای باڵای فیدراڵیی عێراق  بە کۆمەڵ دەستلەکارکێشانەوەی خۆیان پێشکەش کرد، دواتر ڕۆژی 21-6-2025 ،جاسم عومەیری، سەرۆکی دادگای باڵای فیدراڵیی عێراق، دەستلەکارکێشانەوەی خۆی پێشکەش کرد، بەمەش عێراق دەکەوێتە بەردەم بۆشاییەکی دەستوورییەوە و یەکلاییکردنەوەی ناکۆکییەکان و لێکدانەوەی یاساکان.

 

لێدوانی فەرمی: عالیە نسەییف، پەرلەمانتاری عێراق ڕایگەیاند: کێشەی دادگای باڵای فیدراڵی عێراق نزیکبووەتەوە لە چارەسەر بەتایبەتی دوای ئەوەی جاسم عمەیری، سەرۆکی دادگاکە  دەستی لەکار کێشایەوە.

 

زانیاریی زیاتر: نسەییف ئاماژەی بەوەشکرد، لەماوەی دوو ڕۆژی داهاتوودا سەرجەم ناکۆکییەکەکانی نێو دادگای فیدراڵی چارەسەر دەکرێت ئەو نۆ دادوەرە دەستلەکارکێشانەوەکانیان دەکشێننەوە و سەرۆکێکی نوێ بۆ دادگا هەڵدەبژێرن.