سەرۆکی ئەمریکا و ئەردۆغان پرسی ئاگربەستی ئێران و ئیسرائیل تاوتوێ دەکەن

ئاڤا نیوز

 

لە پەراوێزی کۆبوونەوەی هاوپەیمانییەتی ناتۆ لە لە لاهای هۆڵەندا هەریەک لە دۆناڵد ترەمپ، سەرۆکی ئەمریکا و ڕەجەب تەیب ئەردۆغان، سەرۆککۆماری تورکیا پرسی ئاگربەستی نێوان ئیسرائیل و ئێران و چەند بابەتێکی دیکەیان تاوتوێ کرد. 

 

ڕاگەیێنراوی فەرمی: فەرمانگەی پەیوەندییەکانی سەرۆکایەتیی کۆماری تورکیا لە دوای کۆتایی هاتنی کۆبوونەوەی نێوان دۆناڵد ترەمپ، سەرۆکی ئەمریکا و ڕەجەب تەیب ئەردغان، سەرۆککۆماری تورکیا ڕایگەیاند: لە کۆبوونەوەی هەردوو سەرۆکدا پرسی ئاگربەستی نێوان ئێران و ئیسرائیل تاوتوێ کراوە و سەرۆککۆماری تورکیا پێزانینی بۆ هەوڵی سەرۆکی ئەمریکا بۆ ڕاگەیاندنی ئاگربەست دەربڕیوە و ڕایگەیاندووە:" تورکیا بە خۆشحاڵیەوە پێشوازی لەم هەنگاوە دەکات و هیوای ئەوەی خواستووە ئاگربەستەکە گشتگیر و بەردەوام بێت.

لەلایەکی دیکەوە: لە بەشێکی دیکەی کۆبوونەوەکەدا باشکردنی دۆخی مرۆیی غەزە و هەوڵەکان بۆ ئەنجامدانی ڕێککەوتنامەی ئاشتی لە نێوان ڕووسیا و ئۆکراینا جەختی لەسەر کراوەتەوە، پەیوەندیەکانی نێوان تورکیا و ئەمریکا و هەماهەنگی سەربازی و بازرگانی گفتوگۆی لە بارەوە کراوە و هەردوولا کۆکبوون لەسەر بەرزکردنەوەی ئاستی بازرگانیی نێوان هەردوو دەوڵەت بۆ 100 ملیار دۆلار.

 

نوێدەکرێتەوە...