بانکسی کارێکی هونەری نوێ لەسەر دیوارێکی لەندەن دەکێشێت

ئاڤا نیوز

 

هونەرمەندێکی ناسراو و نادیاری جیهانی، وێنەیەکی نوێ لەسەر دیوارێکی لەندەن دەکێشت؛ بەڵام کەسانێکی نەناسراو هەوڵیانداوە وێنەی سەر دیوارەکە بە بۆیاخی سپی بشێوێنن. 

 

وێنە گەورەکە: وێنەکە لەسەر دیواری بەردەم شووققەیەک لە ناوچەیەکی نیشتەجێبوون لە باکووری لەندەن کێشراوە و بریتییە لە سەوزکردنی دیواری پشتەوەی درەختێکی گێلاس کە خەریکە وشک دەبێت. بانکسی بەمشێوەیە ویستوویەتی هۆشیاریی ژینگەیی بڵاوبکاتەوە. 

 

زانیاریی زیاتر: بانکسی وێنەی دیوارەکەی لە ئینستاگرامی خۆی داناوە و بەمشێوەیە خاوەندارێتی لە بەرهەمە هونەرییەکە کردووە.

 

ئەوەی پێویستە بیزانیت: بانکسی هونەرمەندێکی ناسراوی جیهانییە، تاوەکو ئێستا کەمترین زانیاری لەسەر کەسایەتی هەیە و هیچ وێنەیەکیشی بڵاو نەبووەتەوە.