مارکۆ ڕۆبیۆ: ئێستا ئێران دوورە لە چەکی ئەتۆمی

 ئاڤا نیوز

وەزیری دەرەوەی ئەمریکا ڕایگەیاند، لە دوای هێرشەکانی ئەمریکا بۆ سەر دامەزراوە ئەتۆمییەکانی  ئێران، توانای ئەتۆمی ئەو وڵاتە لاوازبوون.

وێنە گەورەکە: بەرەبەیانی ڕۆژی یەکشەممە 22-6-2025، ئەمریکا هێرشێکی بەرفراونی کردە سەر سێ پێگەی سەرەکی ئێران ' نەتەنز، ئەسفەهان و فۆردۆ' بەمەبەستی لەناو بردنی بەرنامە ئەتۆمییەکەی و ئەمریکا دەڵێت: هێرشەکانیان کاریگەر بوون و توانای ئەو وڵاتەی لاواز کردووە.

لێدوانی فەرمی: مارکۆ ڕۆبیۆ، وەزیری دەرەوەی ئەمریکا ڕایگەیاند: کاریگەری هێرشەکانی ڕۆژی یەکشەممەی ڕابردووی دووپاتکردەوە و ڕایگەیاند: زیانێکی بەرچاو و بنەڕەتی لە  پێکهاتەکانی  بەرنامەی ئەتۆمی ئێران کەوتووە.

 

هاوکات گوتی، ئێران ئێستا زۆر دوورە لە بەدەستهێنانی چەکی ئەتۆمی دوای ئەو هێرشە بوێرانەی کە ئەمریکا کردیە سەر بنکە ئەتۆمییەکانی لە  'نەتەنز و فۆڕدۆ و ئەسفەهان' .