یەکێتیی ئەوروپا 30 کەسایەتی ڕووسیا سزا دەدات

ئاڤا نیوز

یەکێتیی ئەوروپا 30 کەسایەتیی ڕووسیا بەهۆی تێوەگلانیان لە گیانلەدەستدانی ئاليکسی ناڤالنی، سەرکردەی ئۆپۆیسیۆن سزا دەدات.

 

لێدوانی فەرمی: جۆزێف بۆرێل، بەرپرسی سیاسەتی دەرەوەی یەکێتیی ئەوروپا، دوای کۆبوونەوەی ئەنجوومەنی وەزیرانی یەکێتییەکە ڕایگەیاند "ئێمە ڕێککەوتین لەسەر سزادانی ئەوانەی  بەرپرسیارن لە کوژرانی ئالێکسی ناڤالنی."

 

زانیاریی زیاتر: بەگوێرەی سزاکان گەشتکردنی ئەو بەرپرسە ڕووسیانە بۆ یەکێتیی ئەوروپا قەدەخە دەکرێت و هاوکات داراییەکانیان بلۆک دەکرێن.

 

باکگراوند: مانگی ڕابردوو ناڤالنی لە بەندیخانەیەکی ڕووسیا گیانی لە دەست دا. وڵاتانی ڕۆژئاوا ڕووسیایان بە بەرپرسیاری مردنەکەی تۆمەتبار کرد. پێشتریش ئەمریکا و بەریتانیا بە هەمان هۆکار سزایان بە سەر ڕووسیادا سەپاند.