خامنەیی: دامەزراوە ئەتۆمییەکانمان زیانیان بەرنەکەوتووە

ئاڤا نیوز

 

ڕێبەڕی باڵای کۆماری ئیسلامی ئێران لە پەیامێکدا دوای ڕاگەیاندنی ئاگربەستی نێوان ئیسرائیل و ئێران دەڵێت: ئەمە سەرکەوتن بوو بەسەر ئیسرائیلدا.

 

وێنە گەورەکە: ماوەی 12 ڕۆژ جەنگ لە نێوان ئیسرائیل و ئێران بەردەوام بوو، هەردوو وڵات زیانی زۆری گیانی و ماددیان بەرکەوت و سەرۆکی ئەمریکا دوای هێرشی وڵاتەکەی بۆ سەر ئێران، ئاگربەستی لە نێوان هەردوو وڵات ڕاگەیاند و خامنەیی ئەم ئاگربەستەی بە سەرکەوتن بەسەر ئیسرائیل دادەنێت.

 

لێدوانی فەرمی: عەلی خامنەیی، ڕێبەری باڵای کۆماری ئیسلامی ئێران ڕایگەیاند: ئیسرائیل لەژێر گورزەکانی کۆماری ئیسلامیدا، نزیکەی لەپێ کەوت و تێکشکێنرا، بەهۆی هێرشەکانی ئێرانەوە ئیسرائیل نزیک بوو لە لەناوچوون.

لە بەشێکی دیکەی پەیامەکەیدا  ڕێبەری باڵای کۆماری ئیسلامی ئێران باسی لەوەشکرد: پیرۆزبای سەرکەوتن بەسەر ئیسرائیل لە گەلی ئێران دەکەم، ئەمریکا لەم شەڕەدا هیچ دەستکەوتێکی بەدەست نەهێنا و گورزێکی سەختمان لێدا.

بەشێکی دیکە لە قسەکانی خامنەیی: 

-لەم شەڕەدا بەسەر ئەمریکا سەرکەوتین.
-ئەمریکا زانی ئیسرائیل لەنادەچێت بۆیە ئەو هێرشانەی ئەنجامدا.
-توانامان هەیە لە هەرکاتێکدا بێت هێرش بکەینە سەر بەرژەوەندییەکانی ئەمریکا.
-ئەمریکا نەیتوانیەوە زیانی گەورە لە بنکە ئەتۆمییەکانمان بدات.
-ئەمریکا هێرش بکاتەوە سەرمان، هێرش دەکەینە سەر بنکەکانیان.
-ئێران توانا سەربازییەکانی ئیسرائیلی وێران کردووە.
-ترەمپ ڕاستییەکان دەشارێتەوە.
-ئەمریکا بە درێژایی مێژوو هەوڵی خۆبەدەستەوەدانی  ئێرانی داوە بەڵام ئەوە هەرگیز ڕوونادات.
-گورزێکی توندمان لە بنکەی سەربازی عودیدە داوە.