کۆریای باکوور هێزی زیاتر بۆ ڕووسیا دەنێرێت

ئاڤا نیوز

 

ئاژانسی هەواڵی ڕۆیتەرز ئاشکرای کرد،  کۆریای باکوور هێزی زیاتر بۆ ڕووسیا بۆ بەشداریکردن لە شەڕی ئۆکرانیا دەنێرێت.

 

چیرۆکی سەرەکی: زیاتر لە سێ  ساڵە جەنگی نێوان ڕووسیا و ئۆکراینا بەردەوامە و، کۆریای باکوور بەردەوام هێز و پێداویستی سەربازی و هەزاران سەربازی  ڕەوانەی  ڕووسیا کردووە ئەمەش نیگەرانی وڵاتانی لێکەوتووەتەوە.

 

زانیاریی بەدەستهاتوو: بەرپرسێکی کۆریای باشوور  بە ئاژانسی هەواڵی ڕۆیتەرزی ڕاگەیاندووە، لە سەرەتایی مانگی حەوتی ئەمساڵ تا مانگی هەشت کۆریای باکوور سەربازی زیاتر  بۆ هاوکاریکردنی ڕووسیا لە شەڕی دژ بە ئۆکراینا دەنێرێت.

 

ئەوەی پێویستە بیزانیت: کۆریای باشوور هەمیشە کۆریای باکوور بە هاوکاریکردنی ڕووسیا لەڕووی دابینکردنی چەک و پێداویستی سەربازی لە  شەڕی دژ  بە ئۆکراینا تۆمەتبار دەکات.

 

ئەوەی لەو بارەیەوە دەگوترێت: بەپێی بەرپرسانی کۆریای باشوور، ڕووسیا لە مانگی ئاب یان تەمووزدا هێرشێکی بەرفراوان دەکاتە سەر ناوچە جیاوازەکانی ئۆکراینا هەر ئەمەش هۆکارە کە کۆریای باکوور هێز و سەربازی زیاتر بۆ ئەو وڵاتە بنێرێت.